Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР ҮСК рәисе Фәрит Мөхәммәтшинга мандат тапшырды
ТР Дәүләт Советы президиумының тагын ике әгъзасы да шундый ук мандатка ия булды
(Казан, 22 сентябрь, «Татар-информ», Камил Әсадуллин). Бүген ТР Үзәк сайлау комиссиясе рәисе Әгъзам Гобәйдуллин Татарстан Дәүләт Советы Рәисе Фәрит Мөхәммәтшинга, шулай ук ТР Дәүләт Советы президиумы әгъзалары Лилия Маврина һәм республика парламентында КПРФ фракциясе җитәкчесе Хафиз Миргалимовка мандатлар тапшырды.
Э.Гобәйдуллин искәрткәнчә, 17 сентябрьдә ТР ҮСК утырышта сайлауларны узды дип таныды, ә 19 сентябрьдә республика сайлау округы буенча сайланган V чакырылыш Дәүләт Советы депутатларын теркәде. Ул вакытта берничә депутатка мандат тапшырылды. “Ул чакта аларның барысы да утырышта катнаша алмады, шуңа күрә бүген калганнарга мандат тапшырылды”, - дип белдерде бүген ҮСК рәисе.
Гобәйдуллин шулай ук сайлауларга нәтиҗә ясады һәм бу юлы агитация чоры, узган сайлаулар белән чагыштырганда, тыныч үтте, дип ассызыклады. Шул ук вакытта комиссия рәисе, күп кенә сайлаучылар кандидатлар һәм сәяси партияләр турында мәгълүмат аз булуына шикаять белдерде, дип билгеләп үтте. “Сайлаучы үз тавышын бирергә теләгән кандидатны күбрәк күрергә һәм ишетергә тели. Киләчәктә бу мәсьәләне исәпкә алу зарур”, - диде ул.
Кызыклы яңалыкларны күзәтеп бару өчен Телеграм-каналга язылыгыз