news_header_top_970_100
news_header_bot_970_100

ТР Президенты Татарстанда тулаем төбәк продуктының 3-3,5 процентка артачагын фаразлады

Икътисади санкцияләргә дә карамастан, республикага инвестицияләр килү дәвам итә.

(Казан, 23 ноябрь, «Татар-информ», Рөстәм Килсинбаев). ТР Президенты Рөстәм Миңнеханов Татарстанда агымдагы ел нәтиҗәләре буенча тулаем төбәк продуктының 3-3,5 процентка артачагын фаразлады. Казанда Россия-Австрия эшлекле Советы утырышының пленар өлешендә ясаган чыгышында ул шул хакта белдерде.

Икътисади санкцияләргә дә карамастан, республикага инвестицияләр килү дәвам итә, дип искәртте Президент.

«Санкцияләр Россия һәм аерым алганда республикабыз икътисадына билгеле бер дәрәҗәдә тискәре йогынты ясый, әлбәттә. Барлык кыенлыкларга да карамастан, безгә инвестицияләр килә, чит ил бизнесының Татарстандагы эшчәнлеге дәвам итә», - диде ул.

news_right_column_1_240_400
news_right_column_2_240_400
news_bot_970_100