Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР Президенты Төркиянең YDA Group холдингы белән хезмәттәшлек вариантларын карарга кушты
Холдинг составына AKSA Construction компаниясе керә, ул мәктәпләр, аэропортлар, хастаханәләр һ.б. объектлар төзү белән шөгыльләнә.
(Казан, 14 август, «Татар-информ»). Татарстан Президенты Рөстәм Миңнеханов Төркиянең YDA Group холдингы идарә рәисе Хөсәен Арслан белән очрашты. Бу хакта ТР Президентының матбугат хезмәте хәбәр итә.
Холдинг составына берничә компания керә, алар арасында AKSA Construction да бар. Ул аэропортлар, мәктәпләр, хастаханәләр, сәнәгать биналары, күперләр, тимер юл линияләре, торак йортлар һ.б. объектлар төзү белән шөгыльләнә. YDA Group холдингы вәкилләре Рөстәм Миңнехановка компания тарафыннан гамәлгә ашырылган иң зур проектлар хакында сөйләде.
Республика Президенты, ике як өчен дә файдалы вариантлар табу өчен, холдинг белән потенциаль хезмәттәшлек вариантларын карарга йөкләмә бирде.
Татарстан Хөкүмәте йортында узган очрашуда шулай ук республика транспорт һәм юл хуҗалыгы министры Ленар Сафин, төзелеш, архитектура һәм ТКХ министры Ирек Фәйзуллин һ.б. катнашты.
Кызыклы яңалыкларны күзәтеп бару өчен Телеграм-каналга язылыгыз