Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Президенты: “Сайлауларның оештырылган төстә узачагына ышанам”
Рөстәм Миңнеханов V чакырылыш Дәүләт Советына сайлауларда тавыш бирде
(Казан, 14 сентябрь, «Татар-информ», Аяз Исмәгыйлев). Бүген ТР Президенты Рөстәм Миңнеханов Татарстан башкаласы үзәгендә урнашкан Казан илкүләм тикшеренү-техник университеты (КНИТУ-КАИ) бинасында 42 нче сайлау участогында V чакырылыш ТР Дәүләт Советына сайлауларда тавыш бирде. Бу участокта барлыгы тавыш бирергә хокуклы 1368 граждан теркәлгән.
Рөстәм әфәнде Миңнеханов белән аның хәләл җефете Гөлсинә ханым сайлау участогына 10.30 сәгать тирәсендә килделәр. Татарстан Президенты сайлау бюллетенен үтә күренмәле урнага салгач, журналистларның сорауларына җавап бирде.
Ул республикада сайлауларның оештырылган төстә узачагына ышаныч белдерде. “Халык сайлауга килә, алар өчен ярминкәләр оештырылган. Ә нәтиҗәләргә килгәндә, теге яки бу кандидатның һәм сәяси партияләрнең эшен халык ничек бәяли инде”, - диде Рөстәм Миңнеханов.
ТР Президенты сәяси вәзгыятьне шәрехләп: “Бүген ил бик мобильләшкән. Россия көчле, Россия егәрлекле, Россиянең үз мәнфәгатьләре бар. Халык илебез җитәкчелеге һәм Президенты позициясен хуплый. Бүгенге вәзгыять берләштерә дип саныйм”, - дип билгеләп үтте ул.
ТР Президенты белән аныдң җәмәгатенә “Мин тавыш бирдем” беләзеген тапшырдылар, бүген Казанда ул тавыш биргән һәркемгә бирелә. Искәртеп узабыз: беләзек тавыш бирүчеләргә транспортта бушлай йөрү һәм "Kazan-Arena" стадионында Валерий Меладзе, Салават һәм "Самоцветы" ВИА катнашындагы бәйрәм чарасына бушлай кереп карау мөмкинлеге бирә.
Кызыклы яңалыкларны күзәтеп бару өчен Телеграм-каналга язылыгыз