ТР Президенты нефть калдыкларын тирәнтен эшкәртү комплексын сафка бастырырга йөкләмә бирде
«Таиф-НК» авыр нефть калдыкларын тирәнтен эшкәртү проектының бәясе 1 миллиард 700 миллион АКШ доллары тәшкил итә.
(Казан, 24 сентябрь, «Татар-информ», Наталья Рыбакова). Быелның ахырына кадәр көйләү эшләрен тәмамларга һәм «Таиф-НК» авыр нефть калдыкларын тирәнтен эшкәртү комплексын сафка бастырырга кирәк. ТР Президенты Рөстәм Миңнеханов 24 сентябрьдә ТР Дәүләт Советына еллык Юлламасында шулай дип белдерде.
«Проектның бәясе 1 миллиард 700 миллион АКШ доллары тәшкил итә», - дип искәртте ТР Президенты. Рөстәм Миңнеханов республика нефть химиясе комплексын алга таба үстерү һәм җитештерүгә предприятиеләр үсешендә тотрыклы темпны тәэмин итәчәк «югары технологияле проектлар» кертүне киләсе елга өстенлекле бурычлар рәтендә атады.