Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР Президенты Дмитрий Цинманны рус шашкасы буенча дөнья Кубогында җиңүе белән котлады
Рөстәм Миңнеханов шулай ук Р.Г.Нәҗметдинов исемендәге шахмат мәктәбендә шөгыльләнүчеләрнең тагын берсе – Андрей Гнелицкийга спортта уңышлар һәм зур җиңүләр теләде
(Казан, 13 декабрь, «Татар-информ»). Татарстан Республикасы Президенты Рөстәм Миңнеханов Р.Г.Нәҗметдинов исемендәге олимпия резервындагы балалар-яшүсмерләр шахмат мәктәбенең укыту-тәрбия бүлеге директоры урынбасары, халыкара гроссмейстер Дмитрий Цинманны рус шашкасы буенча дөнья Кубогында җиңүе белән котлады.
“Әлеге дәрәҗәле бүләкне беренче тапкыр күп кенә көчле шахматчылар һәм шашкачылар әзерләгән Р.Г.Нәҗметдинов исемендәге данлыклы шахмат мәктәбендә шөгыльләнүче Татарстан спортчысының яулавына бик тә шатмын. Әлеге җиңү Сезнең Россиядә рус шашкасы үсешенә керткән саллы өлешегез булды, Казан спортчыларының осталыгын тагын бер мәртәбә раслады”, - дип ассызыклады республика башлыгы үзенең котлау телеграммасында.
Рөстәм Миңнеханов шулай ук Р.Г.Нәҗметдинов исемендәге шахмат мәктәбендә шөгыльләнүчеләрнең тагын берсе – әлеге ярышларда дүртенче урынны яулаган Андрей Гнелицкийга спортта уңышлар һәм зур җиңүләр теләде, дип хәбәр итә ТР Президентының матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз