news_header_top_970_100
news_header_bot_970_100

ТР Президенты бертөркем ветеранга “Бөек Җиңүгә 65 ел” дигән юбилей медальләрен тапшырды

Бүләкләүләр барлык шәһәр-районнарда узачак

(Казан, 11 декабрь, “Татар-информ”, Айгөл Фәхретдинова). “Бөек Җиңүгә 65 ел” дигән юбилей медальләре инде әзер. Медаль һәм аны раслаган таныклыклар бүгенге көндә ветераннарга тапшыру өчен барлык муниципаль берәмлекләр хакимиятләренә юлланган. Юбилей медальләрен бүген беренчеләрдән булып Кремльдә ТР Президенты Минтимер Шәймиев бертөркем сугыш һәм тыл ветераннарына тапшырды.

Бүләкләнүчеләр арасында Советлар Союзы Герое Борис Кузнецов, сугыш ветераннары Павел Клетнев, Васил Хуҗиәхмәтов, Шәһит Латыйпов, тыл ветераннары Миңнегөл Әшрәпова, Анна Ларина, концлагерьларның элекке балигъ булмаган тоткыны Динара Захарова, Ленинград камалышында булган Зоя Шулепова белән Галина Хомякова бар иде.

news_right_column_1_240_400
news_right_column_2_240_400
news_bot_970_100