Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Президенты бүләкләре - автобус һәм оргтехника Симферопольга барып җиткән
Бүген бу уңайдан тантаналы чара уза
(Казан, 8 сентябрь, «Татар-информ»). Бүген Симферопольда, Крым татарлары музыкаль-драма академия театры каршындагы мәйданда "Hyundai Universe Space Luxury" автобусы - ТР Президенты бүләген тапшыру тантанасы була.
Шулай ук тантана кысаларында Крым парламенты вәкилләренә Республика Дәүләт Советы өчен оргтехника (шул исәптән компьютерлар, принтерлар, күп функцияле җайланмалар, ноутбуклар һ.б. җиһазлар) тапшырылачак. ТР Мәгълүматлаштыру һәм элемтә министрлыгы белгечләре Крым Республикасы Дәүләт Советының яңа сайтын эшләүдә ярдәм күрсәтер дип ниятләнә.
Автобус һәм оргтехника Татарстан Президенты Рөстәм Миңнеханов кушуы буенча бүлеп бирелгән, аңа Крым Республикасы вәкилләре мөрәҗәгать иткән булган.
Бүләкләрне тапшыру тантанасында Крым Республикасы Дәүләт Советы Рәисе урынбасары Рәмзи Ильясов, Крым Рспубликасында Татарстан Республикасының даими вәкиле Ильмир Тимергалиев, Крым татарлары музыкаль-драма академия театры директоры Билал Билалоев, театрның иҗат коллективы катнашачак, дип хәбәр итә Крым Республикасында ТРның Даими вәкиллеге матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз