Авыл 11 декабрь 2009 12:41

ТР Питрәч районында кооператив сөт эшкәртергә керешә

Бер сменада районның шәхси хуҗалыкларыннан сатып алынган сөтнең 10 тоннасын эшкәртү планлаштырыла

Скопировать ссылку

(Казан, 11 декабрь, «Татар-информ», Ирина Игнатьева). ТР Питрәч районының “Ватан” авыл хуҗалыгы кулланучылар кооперативы рәисе Замир Гыймранов сөтне пастеризацияләү һәм савытларга тутыру буенча җиһаз урнаштырырга кереште. Бу хакта “Татар-информ” агентлыгы хәбәрчесенә Татарстанның Фермерлар һәм крестьян хуҗалыклары ассоциациясендә белдерделәр.
“Ватан” кооперативы хезмәткәрләре авыл халкыннан сөт җыю белән шөгыльләнә. Агымдагы елның 9 аенда алар 4 мең тонна сөт җыйган. Шуңа күрә чималны урында эшкәртергә карар иткәннәр.
Сөт эшкәртү җиһазын Ижаудан сатып алганнар. Технология линиясе “Ватан”га 2,4 миллион сумга төшкән, әмма кооператив хезмәткәрләренә җиһазның тулы бәясен түләргә туры килмәячәк, чөнки 1 млн. сум күләмендә лизинг-грант исәпкә алынган.
Бер сменада районның шәхси хуҗалыкларыннан сатып алынган сөтнең 10 тоннасын эшкәртү планлаштырыла. Алар сөтне пастеризацияли һәм савытларга тутырачаклар. Киләчәктә шушы ук җиһазда сыр, эремчек, каймак һәм продукт та чыгарырга мөмкин.

Сәхифәләр

ТР Питрәч районында кооператив сөт эшкәртергә керешә