Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР парламенты башлыгы Татарстан яшьләренә паспорт тапшыра
Быел парламент җитәкчесе кулыннан 24 укучы паспорт ала
(Казан, 4 ноябрь, «Татар-информ»). 5 ноябрьдә ТР Дәүләт Советында ТР Конституциясе көненә багышланган “Мин – Россия гражданы” дигән тантаналы акция уздырыла. Яшь гражданнарга паспортны Татарстан Дәүләт Советы Рәисе Фәрит Мөхәммәтшин тапшыра.
Укучылар өчен республика парламенты буенча экскурсия үткәрелә, яшьләр “Россия паспорты тарихыннан” дип аталган электрон презентация белән таныштырыла.
Республика парламентында тантаналы чара “Минем паспорт – мин граждан!” гомумроссия акциясе белән туры килде. Агымдагы елның 10 апреленнән 10 маена кадәр ул республика мәктәпләрендә үткәрелде. Чара кысаларында булган ачык дәресләрдә РФ миграция хезмәтенең ТР буенча идарәсе хезмәткәрләре балаларга паспорт тарихы турында сөйләделәр, төп документны алу, аны саклау һәм пөхтә куллану тәртипләрен аңлаттылар, викторина, диалоглар үткәрделәр, җиңүчеләргә истәлекле бүләкләр тапшырдылар.
Быел парламент җитәкчесе кулыннан республиканың 17 муниципаль районыннан һәм Казанның 7 районыннан 24 укучы кабул итеп ала. Республика Конституция көне алдыннан Дәүләт Советында Россия гражданнарына паспорт тапшыру традициясе киләчәктә дә дәвам иттереләчәк, дип хәбәр итә ТР Дәүләт Советы Аппаратының җәмәгатьчелек һәм ММЧ белән үзара эшчәнлек бүлеге.
Кызыклы яңалыкларны күзәтеп бару өчен Телеграм-каналга язылыгыз