news_header_top
16+
news_header_bot
news_top

ТР мөселманнары Диния нәзарәте 2027 елда 1,8 мең татарстанлы өчен хаҗ оештыра

ТР мөселманнары Диния нәзарәте 2027 елда 1,8 мең татарстанлы өчен хаҗ оештыра
Фото: © «Татар-информ», Салават Камалетдинов

Татарстан мөселманнары Диния нәзарәте ел саен республиканың 1,8 мең кешесе өчен хаҗ оештыра. Алдагы хаҗ сезонына әзерлек турында Татарстан мөфтие Камил хәзрәт Сәмигуллин һәм Согуд Гарәбстанының Россиядәге илчесе Сами Мөхәммәд Әлсадхан Мәскәүдә узган очрашуда фикер алыштылар, дип хәбәр итә ТР мөселманнары Диния нәзарәте матбугат хезмәте.

Яклар шулай ук ТР мөселманнары Диния нәзарәтенең Корольлекнең дини һәм мәгариф оешмалары белән хезмәттәшлеген, шулай ук Россиядә хәләл индустриясе үсешен карады.

2026 елда ТР мөселманнары Диния нәзарәтенең «Хәләл» стандарты буенча комитеты Saudi Halal Center оешмасының Согуд Гарәбстанына хәләл продукция экспорты вакытында тиешле маркировканы куллану хокукы белән Россиядә беренче рәсми вәкиле булды. Моннан тыш, комитет Корольлектә SASO һәм Saudi Halal Center линиясе буенча аккредитация алды.

Хаҗдан тыш, ТР мөселманнары Диния нәзарәте ел дәвамында гомрәгә барулар оештыра.

news_right_1
news_right_2
news_bot