news_header_top_970_100
news_header_bot_970_100

ТР министрлыгында Швейцариянең РФдагы илчелеге делегациясе белән очрашу булды

Очрашуда катнашучылар мәгълүмат алмашты һәм хезмәттәшлек итү юнәлешләре буенча фикер алышты

(Казан, 9 ноябрь, «Татар-информ»). Бүген ТР Сәнәгать һәм сәүдә министрлыгында беренче секретарь Лео Трембле җитәкчелегендәге Швейцариянең РФдагы илчелеге делегациясе белән очрашу булды. Очрашуда катнашучылар мәгълүмат алмашты һәм хезмәттәшлек итү юнәлешләре буенча фикер алышты, дип хәбәр итә ТР Сәнәгать һәм сәүдә министрлыгының матбугат хезмәте.
Очрашуны халыкара икътисади мөнәсәбләрне координацияләү бүлеге җитәкчесе Гүзәл Шәйдуллина алып барды. Ул Татарстанның сәнәгать һәм инвестицион потенциалын тәкъдим итте.
Илчелек хезмәткәрләренең бу визиты Швейцариянең РФдагы илчесенең 2010 елда Татарстанга визиты белән бәйле. Шулай ук Швейцария һәм Татарстанның бизнес вәкилләренең эшлекле очрашуын оештыру мөмкинлеге буенча фикер алышынды. Очрашуда шулай ук Швейцариянең РФдагы илчелеге атташесы Селин Изели да катнашты.
Яклар туристлык һәм күргәзмә-ярминкә эшчәнлеге өлкәсендә хезмәттәшлекне үстерү, һ.б. турында фикер уртаклаштылар.

news_right_column_1_240_400
news_right_column_2_240_400
news_bot_970_100