Дин 20 апрель 2005 15:47

ТР Министрлар Кабинеты каршында эшләп килүче дин эшләре Шурасы Татарстанда яшәүче яһүдләргә Пейсах бәйрәме уңаеннан котлау юллады

Скопировать ссылку

(Казан, 20 апрель, «Татар-информ», Рәсилә Кәримова). Иудаизм динендәгеләр 24 апрельдән алып 1 майга кадәр Пейсах бәйрәмен билгеләп үтә. Әлеге уңайдан Татарстан Республикасы Министрлар Кабинеты каршында эшләп килүче дин эшләре Шурасы республикадагы яһүд җәмәгатьчелегенең баш раввины Ицхак Гореликка котлау юллады.

«Сезне һәм Татарстандагы яһүд җәмәгатьчелеген чын күңелдән азатлыкка, татулыкка һәм тынычлыкка өндәүче Пейсах бәйрәме белән тәбрик итәм. Әлеге бәйрәм сезнең йортларыгызга шатлык, тынычлык һәм алдагы көннәргә ышаныч алып килсен. Сезнең җәмгыять тарафыннан эшләнгән хәйрия эшләре һәм күпмилләтле Татарстанның рухи үсешенә керткән өлеше аеруча игътибарга лаек. Киләчәктә дә шул юнәлештә эшләргә язсын. Сәламәтлек, иминлек һәм уңышлар юлдаш булсын сезгә!», - диелә котлауда.

Сәхифәләр

ТР Министрлар Кабинеты каршында эшләп килүче дин эшләре Шурасы Татарстанда яшәүче яһүдләргә Пейсах бәйрәме уңаеннан котлау юллады