Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР Милли музее Халыкара хатын-кызлар көненә квест-уен оештыра
Чарага керү — бушлай
(Казан, 4 март, “Татар-информ”). 8 март көнне сәгать көндезге 12 дә, Халыкара хатын-кызлар көне уңаеннан, ТР Милли музее “Хатын-кызлар барлык чорларда да” квест-уенында катнашырга чакыра.
Чарага килгән кунаклар квестта катнашып, Милли музейның экспозициясе белән таныша алачак. Уен барышында шаян конкурслар һәм биремнәрне башкарырга кирәк була.
Музейга килүчеләр өчен төрле юнәлештәге остаханәләр оештыру да ниятләнә. Шулай ук, фотосалон эшләячәк, анда XIX-XX гасырлардагы костюмнарда фотога төшү мөмкинлеге каралган.
Бәйрәм кунаклары өчен совет чоры кинематографының шедеврларын күрсәтү (“Мама” музыкаль фильмы-әкияте һәм “Девчата” фильмы) һәм татар милли йорты интерьерында чәй өстәле әзерләү дә планлаштырыла. Бәйрәм уңаеннан, музейда шулай ук рәссам-карикатурачы да эшләячәк.
Бу көнне музейга керү — бушлай. Барлык кызыксындырган сораулар белән (843) 292-89-84 телефон номерына мөрәҗәгать итәргә мөмкин, диелә музейның матбугат үзәге хәбәрендә.
Кызыклы яңалыкларны күзәтеп бару өчен Телеграм-каналга язылыгыз