Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Милли музее әдәби салоны утырышы Марсель Сәлимҗановка багышлана
Анда режиссерның хезмәттәшләре, күренекле артистлар, режиссерлар, театр белгечләре, драматурглар, язучылар һәм мәктәп укучылары катнашачак
(Казан, 11 ноябрь, “Татар-информ”). 14 ноябрьдә көндезгә сәгать 2дә, СССРның халык артисты Марсель Сәлимҗановның тууына 80 ел тулу уңаеннан,Татарстан Республикасы Милли музее әдәби салонының чираттагы утырышы була.
Марсель Сәлимҗанов 1966 елда Г.Камал исемендәге Татар дәүләт академия театрына баш режиссер вазыйфасына килгәндә, театрның үз тамашачысы булырга тиеш, дигән максат куя. 1969 елда М.Сәлимҗанов сәхнәгә татарның милли горурлыгы булган Кәрим Тинчурин әсәрләрен кайтара. Мәшһүр драматургның биш әсәре режиссерның иҗади эшчәнлегендә күренекле урын тота. Аларның һәрберсе образларның яңача чишелеше, тәэсирле күмәк күренешләр, сәнгатьчә бизәлешнең тиешле югары дәрәҗәдә булуы белән аерылып тора.
Марсель Сәлимҗанов, һичшиксез, милли театр сәнгатен булдыручы, аны үстерүче буларак тануга лаеклы. Аның егәрле иҗади коллектив туплауга ирешүен дә аерым билгеләү урынлы.
Әдәби салонда М. Сәлимҗановның хезмәттәшләре, күренекле артистлар, режиссерлар, театр белгечләре, драматурглар, язучылар һәм мәктәп укучылары катнашачак, дип хәбәр итә ТР Мәдәният министрлыгы матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз