Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР мөселманнары Диния нәзарәте һәм Казан епархиясенең футбол матчы була
Уен Бөек Җиңүнең 70 еллыгына багышланган чаралар кысаларында уздырыла
(Казан, 3 февраль, “Татар-информ”). Иртәгә сәгать 19.00дә ТР мөселманнары Диния нәзарәте һәм Казан епархиясе дуслык футбол матчы уздыра. Уен Бөек Ватан сугышында Җиңүнең 70 еллыгына багышланган чаралар кысаларында үткәрелә. Матчта республикадагы мөселман һәм христиан дини идарәләре дин әһелләре, бүлек җитәкчеләре уйнаячак. Командалар катнаш булачак, дип хәбәр итте “Татар-информ” агентлыгы корреспондентына Казан епархиясенең яшьләр бүлеге җитәкчесе Артем Гаранин. Шунысын да билгеләп узу зарур: Татарстан мөфтие Камил хәзрәт Сәмигуллин да уенда катнашу теләген белдергән.
Искәртеп үтәбез: бу проваславиелеләр һәм мөселманнар күмәкләшеп уздыра торган беренче чара түгел. Былтыр да конфессияара проектлар тормышка ашырылды: бөтен дөньяда тынычлык һәм бердәмлеккә ярдәм йөзеннән велокросс, “Дуслык аллеясы”нда агач утырту, “Брейн-ринг” интеллектуаль уены.
Кызыклы яңалыкларны күзәтеп бару өчен Телеграм-каналга язылыгыз