Җәмгыять 30 март 2010 12:25

ТР Җир һәм мөлкәти мөнәсәбәтләр министрлыгы гражданнарга консультация бирүне гадиләштерә

ТР Җир һәм мөлкәти мөнәсәбәтләр министрлыгында кабул ителгән Административ регламент гражданнарга консультация бирү процедурасын гадиләштерәчәк

Скопировать ссылку

(Казан, 30 март, “Татар-информ”). ТР Җир һәм мөлкәти мөнәсәбәтләр министрлыгында гражданнар һәм юридик затларга җир һәм милек мәсьәләләре буенча мәгълүмати-консультация хезмәтләрен оператив төстә тәкъдим итү буенча Административ регламент расланды.
ТР Җир һәм мөлкәти мөнәсәбәтләр министрлыгы белгечләре ачыклык керткәнчә, гариза бирүчеләрнең “дача амнистиясе”, торакны хосусыйлаштыру, аукционнарда катнашу, җир өлешләрен рәсмиләштерү кысаларында күчемсез милек объектлары һәм җир кишәрлекләрен милек итеп рәсмиләштерү мәсьәләләре буенча мөрәҗәгатьләре телдән һәм язма формада – электрон почта, “кайнар линия” телефоны һәм интернет аша кабул ителә. Дәүләт хезмәте язма мөрәҗәгатькә – 11 көннән соң, телдән ясалган мөрәҗәгатькә шул ук көнне күрсәтелә.
“Кайнар линия” телефоны – (843) 238-24-66 (эш көннәрендә 14.00-16.00 сәгатьләрдә); электрон адрес: mzio@tatar.ru.

Сәхифәләр

ТР Җир һәм мөлкәти мөнәсәбәтләр министрлыгы гражданнарга консультация бирүне гадиләштерә