Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР икътисад министры ислам ипотекасы шартларын традицион шартларга тиңләштерергә кушты
Татарстан Премьер-министры урынбасары – икътисад министры Мидхәт Шаһиәхмәтов партнерлык һәм традицион финансларны гамәлгә ашыру шартларын тигезләргә кушты. ТР Инвестицион үсеш агентлыгы оештырган ислам финанслары продуктларына багышланган түгәрәк өстәл утырышында ул шулай дип белдерде.
«Кешеләр, нинди дин тотуга да карамастан, финанс компаниясендә күңеленә хуш килгәнне сайлап ала алсын өчен партнерлык һәм традицион финансларны гамәлгә ашыру шартларының бер үк төрле булуы мөһим. Һәм ул ислам финансларының кыйммәтрәк булуы белән чикләнергә тиеш түгел. Кызганыч, бу хәзер шулай», - дип искәртте Шаһиәхмәтов.
Очрашуның модераторы ролендә ТР Инвестицион үсеш агентлыгы башлыгы Талия Миңнуллина чыгыш ясады. Ул Татарстанда кайбер банкларның шәригать нормалары буенча үз продуктларын беренче ел гына тәкъдим итмәвен билгеләп үтте. Ислам ипотекасы, дебет карталары, лизинг – шундыйлардан.
Очрашуда ислам ипотекасына аерым тукталдылар. Әйтик, шәригать нормалары буенча ипотека алучыларга ана капиталы акчаларын кулланырга рөхсәт итәргә дигән тәкъдим җиткерелде.
Кызыклы яңалыкларны күзәтеп бару өчен Телеграм-каналга язылыгыз