Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Хезмәт, мәшгульлек һәм социаль яклау министрлыгында - яңа җитәкче
Ул вазифага Эльмира Зарипова билгеләнде
(Казан, 6 октябрь, «Татар-информ»). Эльмира Зарипова ТР хезмәт, мәшгульлек һәм социаль яклау министры итеп билгеләнде. Бүген Татарстан Президенты Рөстәм Миңнеханов тиешле 965-УП номерлы Указны имзалады, дип хәбәр итә республика башлыгы матбугат хезмәте.
Моңарчы ул Татарстан Республикасы Министрлар Кабинетының Гражданлык хәле актларын теркәү идарәсе (ЗАГС) башлыгы булып эшләде.
Элеккеге хезмәт, мәшгульлек һәм социаль яклау министры Айрат Шәфигуллин ТР Иминлек советы секретаре итеп билгеләнде.
Белешмә өчен. Эльмира Әмир кызы Зарипова 1974 елның 24 апрелендә Казанда туган. 1996 елда Казан дәүләт университетын (тарих укытучысы), 2002 елда - П.А.Столыпин ис. Идел буе дәүләт хезмәте академиясен (дәүләт һәм муниципаль идарә), 2011 елда – Россия Федерациясе Юстиция министрлыгының Россия хокук академиясен (юриспруденция, юрист)тәмамлаган. Педагогика фәннәре кандидаты. 1994 елда Казанның 126нчы мәктәбендә татар теле укытучысы, 1996-1998 елларда ТР Фәннәр академиясенең Тарих институты директоры референты, 1998-1999 елларда ТР Фәннәр академиясенең Тарих институты бүлегенең кече фәнни хезмәткәре булып эшләгән. 1999-2000 елларда - Яшел Үзән районы һәм Яшел Үзән шәһәре хакимиятенең оештыру бүлеге әйдәп баручы белгече; 2000-2001 елларда - Яшел Үзән районы һәм Яшел Үзән шәһәре хакимиятенең мәгълүмат һәм җәмәгатьчелек белән элемтә бүлеге мөдире; 2001-2005 елларда - Татарстан Республикасы Министрлар Кабинеты Аппараты социаль үсеш бүлеге башлыгы урынбасары; 2005-2007 елларда – Татарстан Республикасы социаль яклау министрының беренче урынбасары; 2007-2008 елларда - Татарстан Республикасы хезмәт, мәшгульлек һәм социаль яклау министры урынбасары; 2008-2014 елларда - Татарстан Республикасы Министрлар Кабинеты гражданлык хәле актларын теркәү идарәсе башлыгы.
Педагогика фәннәре кандидаты,ТР атказанган социаль яклау хезмәткәре (2014).
Кызыклы яңалыкларны күзәтеп бару өчен Телеграм-каналга язылыгыз