news_header_top_970_100
news_header_bot_970_100

ТР хайваннар дөньясы объектларын саклау һәм файдалану идарәсе җитәкчесе - Федор Батков

Бүген ТР Премьер-министры аны хезмәт коллективына тәкъдим итте

  (Казан, 22 сентябрь, «Татар-информ», Люция Камалова). Бүген Татарстан Премьер-министры Илдар Халиков ТР хайваннар дөньясы объектларын саклау һәм файдалану идарәсенең яңа җитәкчесен тәкъдим итте. Ул – элек идарә җитәкчесе урынбасары вазыйфасында булган Федор Батков.

ТР Хайваннар дөньясын объектларын саклау һәм файдалану идарәсенең элеккеге җитәкчесе Дмитрий Иванов республиканың Чистай муниципаль районын җитәкләячәк.

Илдар Халиков Дмитрий Ивановка 2,5 ел дәвамында идарә җитәкчесе вазыйфасында уңышлы эш алып баруы өчен рәхмәт белдерде. ТР Премьер-министры идарә эшенең хайваннар санын арттыру, техника белән җиһазлану һ.б. буенча уңай күрсәткечләрен билгеләп үтте. Идарә хезмәткәрләре штаты арттырылды, уку эшләре оештырылды,эш алымына яңалыклар кертелде.

И.Халиков сүзләренә караганда, “хәрби тикшерү Дмитрий Ивановның яңа җаваплы эшне башкара алачагын күрсәткән”. Ул шулай ук яңа җитәкчегә уңышлар теләде.

ТР Хайваннар дөньясы объектларын саклау һәм файдалану идарәсе җитәкчесесе вазыйфаларын башкаручы итеп билгеләнгән Федор Батков коллектив өчен яңа кеше түгел. “Сез аны яхшы беләсез, - дип мөрәҗәгать итте Илдар Халиков идарә коллективына. – Бу җитәкченең биредә, министрлыкта, әзерләнүе - яхшы үрнәк. Аның хокук саклау органнарында эшчәнлеге дә уңай яктан бәяләнә”.

“Бүген Дмитрий Алекссеевич коллектив белән ирешкән казанышлар уңай үзгәртеп кору чорында да дәвам ителергә тиеш”, - дип тәмамлады сүзен Илдар Халиков һәм Федор Батковка министр портфелен тапшырды.

news_right_column_1_240_400
news_right_column_2_240_400
news_bot_970_100