Җәмгыять 7 октябрь 2014 20:00

ТР хәрби комиссары Казанда гражданнарны кабул итәчәк

Шуңа алдан язылу мөмкинлеге каралган

Скопировать ссылку

(Казан, 7 октябрь, “Татар-информ”). Татарстан хәрби комиссары – ТР чакырылыш комиссиясе рәисе урынбасары Сергей Погодин иртәгә, 8 октябрь көнне сәгать 10нан 12гә кадәр, РФ Президентының ТРдагы кабул итү бүлмәсендә гражданнарны кабул итә.

Ул көнне хәрби комиссар гражданнар өчен хәрби хезмәткә чакырылыш кампанияләре, Татарстан егетләренең хезмәт итү урыннары, мундир киясе егетләрнең сәламәтлеге, тулаем җәмгыятьнең армия хезмәтенә мөнәсәбәте буенча консультация үткәрә. Шулай ук Татарстан хәрби комиссариатлары эшчәнлегенә бәйле күп кенә актуаль сорауларга җавап бирәчәк, дип хәбәр итә ТР буенча баш федераль инспекторның матбугат хезмәте.

Шул рәвешле, Татарстан хәрби комиссары Сергей Погодин белән очрашуга Казан ш., Кремль урамы, 12/20 адресы буенча килергә, моның өчен алдан (843) 221-80-36 телефоны буенча язылырга була.

Сәхифәләр

ТР хәрби комиссары Казанда гражданнарны кабул итәчәк