news_header_top_970_100
news_header_bot_970_100

ТР Хөкүмәте башлыгы Ирландия илчесе белән очрашты

Анда икътисад, инновацияләр, мәдәният һәм мәгариф өлкәләрендә ике яклы хезмәттәшлекне үстерү хакында сүз барды

(Казан, 16 ноябрь, “Татар-информ”). Татарстанга танышу визиты белән Ирландиянең РФ Гадәттән тыш һәм тулы вәкаләтле илчесе Филипп Макдон килде. Әлеге вазифага күптән түгел генә билгеләнгән илче белән бүген ТР Премьер-министры Рөстәм Миңнеханов очрашты.

Хөкүмәт йортында узган очрашуда икътисад, инновацияләр, мәдәният һәм мәгариф өлкәләрендә ике яклы хезмәттәшлекне үстерү хакында сүз барды, дип хәбәр итә Министрлар Кабинетының матбугат хезмәте.

Рөстәм Миңнеханов, аерым алганда, илчегә Россия төбәкләре белән кызыксынуы өчен рәхмәт сүзләрен җиткергән.




news_right_column_1_240_400
news_right_column_2_240_400
news_bot_970_100