Икътисад 2 март 2010 16:09

ТР “Fiat-Sollers” автозаводы төзелеше проектын гамәлгә ашыру белән кызыксына

Премьер-министр белдергәнчә, Татарстанда бу производствоны эшләтү яңа автомобиль кластеры төзүгәюл ача

Скопировать ссылку

(Казан, 2 март, “Татар-инофрм”). Бүген Министрлар Кабинетында Премьер-министр Рөстәм Миңнеханов рәислегендә узган киңәшмәдә ТР “Fiat-Sollers” автомобиле төзелеше һәм автокомпонентлар белән тәэмин итүчеләр паркын үстерү мәсьәләләре каралды.
Февраль аенда “Sollers” компаниясе белән “Fiat” концерны арасында кайбер модель автомобильләр чыгару буенча Россиядә уртак предприятие төзү турында килешү имзаланган иде. Чарада ТР Премьер-министры Владимир Путин, ТР Президенты Минтимер Шәймиев тә катнашты. Бүген Министрлар Кабинетында узган киңәшмәдә “Fiat” вәкилләре яңа производствоның җитештерү һәм проект-конструкторлык концепциясен яңгыратты. Яңа производство урнашачак мәйданга берничә таләп куелган. Алар- инфраструктура булу, аның автомобиль һәм тимер юл челтәренә бәйлелеге, автокомпонентлар белән тәэмин итүчеләргә якынлыгы һ.б.
Рөстәм Миңнеханов белдергәнчә, Татарстанда бу производствоны ачу автокомпонент базасын актив үстерергә ярдәм итәчәк, яңа автомобиль кластеры төзүгә юл ачачак. Премьер-министр “Fiat” һәм “Sollers” вәкилләрен Татарстан җитәкчелегенең һәр яклап ярдәм итәчәген ышандырды. Хөкүмәт башлыгы җаваплы затларга яңа заводның республика территориясендә җитештерү мәйданын урнаштыру вариантларын эшләүне йөкләде. Киңәшмә эшендә “Sollers” компаниясе генераль директоры Вадим Швецов, “Sollers-Алабуга” генераль директоры Адель Ширинов, “Fiat” концернының бизнесны үстерү буенча вице-президенты Сильвия Вернетти һ.б. катнашты, дип хәбәр итә Министрлар Кабинетының матбугат хезмәте.

Сәхифәләр

ТР “Fiat-Sollers” автозаводы төзелеше проектын гамәлгә ашыру белән кызыксына