Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Эчке эшләр министрлыгына Finiko оешмасы вкладчыларыннан йөздән артык гариза килгән
Әлеге финанс оешмасына кемдер – 100-500 мең, кемдер бер миллион сум салган. Хәтта 8 миллион сум салучылар да бар, диде Руслан Дәүләтьяров.
(Казан, 27 июль, «Татар-информ»). Хокук саклау органнарына Finiko финанс оешмасы вкладчыларыннан йөздән артык гариза килгән. ТР буенча Эчке эшләр министрлыгының икътисади куркынычсызлык һәм коррупциягә каршы тору идарәсе башлыгы Руслан Дәүләтьяров «Татар-информ» агентлыгына шулай дип белдерде.
«Акчаның күләме – төрле, кемдер – 100-500 мең, кемдер бер миллион сум салган. Хәтта 8 миллион сум салучылар да бар. Бүген Россия буенча гаризаларның саны меңнән артып китә», - дип искәртте спикер.
Дәүләтьяров чынлыкта вкладчыларның күбрәк булуын әйтте. Әмма аларның кайберләре полициягә мөрәҗәгать итәргә курка, икенчеләре әлегә уйлый – үз акчаларын алырбыз дип өметләнәләр.
«Татар-информ» агентлыгы хокук саклау органнарына зыян күргән вкладчылардан гаризалар килә башлавы хакында хәбәр иткән иде. Узган атнада алар уннан да артык булмаган.
Кызыклы яңалыкларны күзәтеп бару өчен Телеграм-каналга язылыгыз