Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Ләйсән Хафизова
ТР дәүләт телләрен саклау буенча дәүләт программасы сайты сынау режимында эшли
Аерым алганда, сайтта “Тере тел – тере милләт!” проектлары конкурсы белән танышырга мөмкин
(Казан, 19 сентябрь, «Татар-информ»). ТР Мәгълүматлаштыру һәм элемтә министрлыгы “2014-2020 елларда Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү" дәүләт программасы сайты - tel.tatar.ru ны сынау режимында эшләтеп җибәрде.
Сайтта дәүләт программасын гамәлгә кую барышы турында мәгълүмат урнаштырылачак.
Моннан тыш, гражданнар гамәлгә куела торган чаралар буенча искәрмәләр яки тәкъдимнәрен белдерә ала. Аерым алганда, сайтта ТР Мәгълүматлаштыру һәм элемтә министрлыгы белән Республика матбугат һәм массакүләм коммуникацияләр агентлыгы тарафыннан эшләтеп җибәрелгән “Тере тел – тере милләт!” проектлары конкурсы белән танышырга мөмкин.
Һәр номинация буенча проектны гамәлгә куюга һәм үстерүгә грант биреләчәк. Грантларның гомуми күләме – 500 мең сум. Конкурс 20 нче сентябрьдән 31 нче октябрьгә кадәр үткәрелә, дип хәбәр итә ТР Мәгълүматлаштыру һәм элемтә министрлыгы матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз