Сәясәт 1 октябрь 2014 11:58

ТР Дәүләт Советының яңа чакырылышында "Бердәм Россия" фракциясе җитәкчесе итеп Юрий Камалтынов сайланды

V чакырылыш Дәүләт Советында 2 фракция, 1 депутатлык берләшмәсе оешты

Скопировать ссылку

(Казан, 1 октябрь, "Татар-информ", Гөлнар Гарифуллина). Бүген V чакырылыш ТР Дәүләт Советының беренче утырышында республика парламентының эшче органнары формалаша. Көн тәртибенә куелган мәсьәлә буенча 2 фракция, 1 депутатлык берләшмәсе оешты.

Яңа чакырылышта "Бердәм Россия" фракциясе 83 депутаттан гыйбарәт. Аның җитәкчесе итеп Юрий Камалтынов билгеләнде. Аның урынбасарлары буларак, элек ТР яшьләр эшләре һәм спорт министры булып эшләгән Рафис Борһанов һәм Анастасия Исаева эшләячәк.

КПРФ фракциясендә - өч кеше. Аның җитәкчесе – Хафиз Миргалимов, һәм урынбасары итеп Артем Прокофьев сайлап куелды. "Татарстан – Яңа гасыр" депутатлык берләшмәсен Бөтендөнья татар конгрессы Башкарма комитеты рәисе Ринат Закиров җитәкләде. Берләшмәгә 10 депутат керә.

Сәхифәләр

ТР Дәүләт Советының яңа чакырылышында "Бердәм Россия" фракциясе җитәкчесе итеп Юрий Камалтынов сайланды