Сәясәт 4 февраль 2010 10:15

ТР Дәүләт Советында Р.Миңнехановка ТР Президенты вәкаләтләрен йөкләү мәсьәләсен карыйлар

Интернет-трансляцияне “Татар-информ” мәгълүмат агентлыгы сайтында карарга мөмкин

Скопировать ссылку

(Казан, 4 февраль, «Татар-информ», Алия Сабирова). Бүген IV чакырылыш ТР Дәүләт Советының 8 нче утырышы була, анда Рөстәм Миңнехановка ТР Президенты вәкаләтләрен йөкләү мәсьәләсен карыйлар.
Кичә парламент комитетлары Рөстәм Миңнехановка республика башлыгы вәкаләтләрен йөкләү мәсьәләсе буенча фикер алыша башлаган иде. Ә бүген бу мәсьәләне Дәүләт Советы сессиясе башланганчы парламент фракцияләре утырышында караячаклар.
Миңнеханов кандидатурасын депутатларга Россия Президентының Идел буе федераль округындагы тулы вәкаләтле вәкиле Григорий Рапота тәкъдим итүе көтелә, дип хәбәр итә Дәүләт Советының матбугат хезмәте.
Утырышының мөһим булуын исәпкә алып, турыдан-туры теле- һәм радиотрансляция оештырылачак. Интернет-трансляцияне “Татар-информ” мәгълүмат агентлыгы сайтында карарга мөмкин.

Сәхифәләр

ТР Дәүләт Советында Р.Миңнехановка ТР Президенты вәкаләтләрен йөкләү мәсьәләсен карыйлар