Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Дәүләт Советында Федерация Cоветы комитетының сәламәтлек саклау буенча эксперт советы утырышы узды
Утырышта катнашучылар үт суы бүлеп чыгару һәм бавыр әгъзаларында яман шешне диагностикалау һәм дәвалауны камилләштерү мәсьәләләре буенча фикерләште
(Казан, 19 сентябрь, «Татар-информ»). Бүген ТР Дәүләт Советында Федерация Советының Социаль сәясәт комитеты сәламәтлек саклау буенча эксперт советының күчмә утырышы узды. Анда үт суы бүлеп чыгару һәм бавыр әгъзаларында яман шешне башлангыч чорда диагностикалау һәм дәвалауны камилләштерү мәсьәләләре буенча фикерләштеләр.
Федерация Советының социаль сәясәт комитеты рәисенең беренче урынбасары Людмила Козлова медицина өлкәсендә Татарстанның уңышларын һәм казанышларын билгеләп үтте. Аның сүзләренә караганда, хәзер эксперт советының максаты - үт суын бүлеп чыгару системасында һәм бавырда яман шеш диагнозын билгеләү һәм дәвалау буенча актуаль мәсьәләләрне өйрәнү һәм медицинаның бу юнәлешендә закон базасын камилләштерү өчен тәкъдимнәр әзерләү.
ТР Дәүләт Советының социаль сәясәт комитеты рәисе Светлана Захарова Эксперт советы утырышында катнашучыларны республика парламенты җитәкчелеге исеменнән сәламләде. Ул кыскача комитет һәм сәламәтлек саклау өлкәсендә дәүләт программаларын гамәлгә ашыруны контрольдә тоту комиссиясе эшчәнлекләре турында сөйләде, республика һәм федераль програмалары үтәлеше турында белдерде.
Утырышта ТР сәламәтлек саклау министры Гадел Вафин һәм Федерация Советы Социаль сәясәт комитетының сәламәтлек саклау буенча эксперт советы рәисе Виталий Омельяновский чыгыш ясады, дип хәбәр итә ТР Дәүләт Советы матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз