news_header_top_970_100
news_header_bot_970_100

ТР Дәүләт Советына сайлауларда аерым типтагы 51 сайлау участогы эшләячәк

Хастаханәдә ятучылар һәм сак астындагы затлар Татарстан парламентына сайлауларда үз тавышларын бирә ала

  (Казан, 8 сентябрь, «Татар-информ»). V чакырылыш Татарстан Республикасы Дәүләт Советына депутатлар сайлауларда гражданнарның хокукларын тәэмин итү өчен аерым типтагы 51 сайлау участогы эшләячәк, дип хәбәр итә ТР ҮСК матбугат хезмәте.

Сүз хастаханә, шифаханә, ял йортларында һәм башка вакытлыча булу урыннарында тавыш бирү өчен җиһазланган 47 урын, шулай ук Казан, Бөгелмә һәм Чистайда сак астындагы гражданнар өчен билгеләнгән 4 урын турында сүз бара.

Татарстан Үзәк сайлау комиссиясе рәисе урынбасары Валентина Каменькова аңлатып узганча, андый участоклардагы сайлаучылар исемлеге тавыш бирү көне алдыннан формалаштырылачак. Шулай ук ул эшне участок сайлау комиссияләре әгъзалары вакытлыча булу урыннарында да оештыра. Аларга карата тавыш бирү процедурасы үткәрүнең гомум кагыйдәләре бар.

news_right_column_1_240_400
news_right_column_2_240_400
news_bot_970_100