Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР Дәүләт Советы Рәисе Фәрит Мөхәммәтшин Михаил Горбачевка юбилее уңаеннан котлау юллады
Юбилярга бүләк итеп “Татарстанда Җир Хартиясе” дип исемләнгән китап җибәрелде. Ул - Михаил Горбачевның Россиядә глобаль халыкара стратегияне тормышка ашырудагы хезмәтләрен тану һәм зур хөрмәт күрсәтү билгесе
(Казан, 2 март, “Татар-информ”). Бүген ТР Дәүләт Советы Рәисе Фәрит Мөхәммәтшин СССРның беренче президенты Михаил Горбачевка 80 яшьлек юбилее уңаеннан котлау юллады. Юбилярга бүләк итеп “Татарстанда Җир Хартиясе” дип исемләнгән китап җибәрелде. Ул - Михаил Горбачевның Россиядә глобаль халыкара стратегияне тормышка ашырудагы хезмәтләрен тану һәм зур хөрмәт күрсәтү билгесе.
“Без Сезнең “Җир Хартиясе”н булдыру инициативасы белән чыгучыларның берсе булуыгызны ихтирам хисләре белән искә алабыз. Ә проект үзе илебездә чирек гасыр элек Сезнең тарафтан башланган демократик үзгәрешләр аркасында мөмкин булды”, - диелә котлауда.
“Вакыт күрсәткәнчә, демократик реформалар җиңел түгел, әмма без аларның кире әйләнеп кайтмаслыгына ышанабыз”, - дип билгеләп үтте Фәрит Мөхәммәтшин. Бу хакта парламентның Җәмәгатьчелек һәм массакүләм мәгълүмат чаралары белән үзара эшчәнлек бүлеге хәбәр итә.
Кызыклы яңалыкларны күзәтеп бару өчен Телеграм-каналга язылыгыз