news_header_top_970_100
news_header_bot_970_100

ТР Дәүләт Советы Мәдәният, фән, мәгариф һәм милли мәсьәләләр комитеты утырышын уздыра

Көн тәртибенә чыгарылган төп мәсьәлә республиканың 2010 елга бюджет проекты белән бәйле

(Казан, 18 ноябрь, “Татар-информ”). ТР Дәүләт Советының Мәдәният, фән, мәгариф һәм милли мәсьәләләр комитеты 20 ноябрьдә чираттагы утырышын уздыра. Көн тәртибенә чыгарылган төп мәсьәлә республиканың 2010 елга бюджет проекты белән бәйле.

Депутатлар шулай ук “2010 елга "Татарстан Республикасының гомуми белем бирү учреждениеләрендә һәркем өчен мөмкин булган һәм түләүсез мәктәпкәчә, башлангыч гомуми, төп гомуми, урта (тулы) гомуми белем, шулай ук өстәмә белем алуга гражданнарның хокукларына дәүләт гарантияләрен тәэмин итүгә финанс чыгымнары нормативларын раслау турында", “Татарстан Республикасында муниципаль берәмлекләрнең җирле үзидарә органнарына мәгариф өлкәсендә Татарстан Республикасының аерым дәүләт вәкаләтләрен бирү турында” Татарстан Республикасы Законына үзгәрешләр кертү хакында” закон проектларын караячак.

Утырышта Кәрим Тинчурин исемендәге Татар дәүләт драма һәм комедия театры бинасын ремонтлау һәм төзекләндерү эшләре барышына күзәтчелек итү буенча эшче төркем оештыру мәсьәләсе күтәрелер дип көтелә. Бу хакта ТР Дәүләт Советының матбугат хезмәте хәбәр итә.

news_right_column_1_240_400
news_right_column_2_240_400
news_bot_970_100