Җәмгыять 5 октябрь 2005 18:15

ТР Дәүләт Советы киңәшмәсендә Идел буе федераль округы контроль-хисап органнары җитәкчеләре җирле дәрәҗәдә тышкы финанс контролен оештыру мәсьәләсен тикшерәчәк

Скопировать ссылку

(Казан, 5 октябрь, «Татар–информ»). 7 октябрьдә Казанда Идел буе федераль округы контроль–хисап органнары җитәкчеләре муниципаль берләшмәләрнең бюджеты үтәлүне контрольдә тоту мәсьәләсе турында фикер алышачак.

Кабул ителгән закон актларының күп булуына карамастан, җирле үзидәрәләрне реформалаштыруга бәйле сораулар һәм проблемалар әле бик күп. Шуларның берсе – җирле дәрәҗәдә тышкы финанс контролен оештыру – 7 октябрьдә ТР Дәүләт Советында Татарстан Республикасы парламенты җитәкчесе Фәрит Мөхәммәтшин катнашында һәм РФ Хисап палатасы һәм Россия Контроль-хисап органнары ассоциациясе башлыгы Сергей Степашин җитәкчелегендә узачак киңәшмәгә чыгарыла.

Хисап палаталары җитәкчеләре күчеш чоры тәмамланыр алдыннан тәҗрибә алышачак, үз карашларын нигезләячәк, муниципаль берләшмәләр белән үзара аралашу буенча беренче урында торган бурычлар планын эшләү, шулай ук федераль коллегалары белән җирле үзидәрә турындагы законнар җыелмасында кирәкле төзәтмәләр кертү кирәклеген сөйләшәчәк.

Сәхифәләр

ТР Дәүләт Советы киңәшмәсендә Идел буе федераль округы контроль-хисап органнары җитәкчеләре җирле дәрәҗәдә тышкы финанс контролен оештыру мәсьәләсен тикшерәчәк