Җәмгыять 18 апрель 2007 17:57

ТР Дәүләт Советы депутатлары “Нечкәбил” конкурсында җиңүчеләр белән очраша

Скопировать ссылку

(Казан, 18 апрель, «Татар-информ»). Иртәгә ТР Дәүләт Советының “Бердәм Россия” фракциясе каршындагы гаилә, аналар һәм балалар мәсьәләләре буенча депутатлар төркеме әгъзалары “Нечкәбил” гүзәллек конкурсы җиңүчеләре белән очрашачак, дип хәбәр итә ТР Дәүләт Советы матбугат үзәге.

Казанда 4 ел элек уздырыла башлаган “Нечкәбил” конкурсында кагыйдә буларак, 20 яшьтән алып 55 яшькәчә булган әниләр - заманча, чибәр хатын-кызлар катнаша, алар үз җиңү һәм казанышларын якыннары – гаиләләре һәм балаларына багышлый.

Хатын-кыз депутатларның конкурста җиңүчеләр белән очрашу барышында сүз гаилә һәм аналар, хатын-кыз тормышында гаиләнең роле, гаиләдә ата роле, бизнеста хатын-кыз урыны, шулай ук хәйрия турында барачак. Әлеге очрашуда ТР Дәүләт Советы Рәисе Фәрит Мөхәммәтшин дә катнашыр дип көтелә.

Сәхифәләр

ТР Дәүләт Советы депутатлары “Нечкәбил” конкурсында җиңүчеләр белән очраша