Мәдәният 8 февраль 2010 12:52

ТР Дәүләт симфоник оркестры концертында танылган дирижер Энхэ катнаша

Иртәгә С.Сәйдәшев исемендәге Зур дәүләт концерт залында «XXI гасырның дирижерлар элитасы» циклы кысаларында Татарстанның Дәүләт симфоник оркестры концерты узачак

Скопировать ссылку

(Казан, 8 февраль, “Татар-информ”). Иртәгә С.Сәйдәшев исемендәге Зур дәүләт концерт залында «XXI гасырның дирижерлар элитасы» циклы кысаларында Татарстанның Дәүләт симфоник оркестры концерты узачак. Кичәдә оркестр белән Екатеринбургтан С.Прокофьев исемендәге IV Халыкара конкурсы, Свердлау өлкәсе губернаторы Премиясе лауреаты Энхбаатар Баатаржавын дирижерлык итәчәк. Солист булып фортепианода Мәскәү дәүләт академия филармониясе, Россия халык артисты профессор Тигран Алиханов чыгыш ясаячак.
Зур дәүләт концерт залыннан хәбәр ителгәнчә, быел композитор Людвиг ван Бетховен тууына 240 ел тула. Бөек композитор юбилеена ТР Дәүләт симфоник оркестры 3-нче санлы Ми-бемоль мажор Симфониясен (“Героическая”), фортепиано һәм оркестр өчен 5-нче Концертны, “Творения Прометея” балетына Увертюраны башкарачак.
Дирижер Энхэның әтисе дә Улан-Батор филармония оркестры белән җитәкчелек иткән һәм Милли җыр һәм бию театры сәнгать җитәкчесе булган. Энхэ Җаек дәүләт консерваториясендә “виолончель” һәм “симфоник оркестр белән дирижерлык итү” белгечлекләрен ала. Бүгенге көндә Җаек академия филармония оркестры җитәкчесе булып тора. Ул шулай ук Җаек яшьләр симфоник оркестры баш дирижеры булып та эшли. Дирижер Франция, Россия халыкара фестивальләрендә актив катнаша.

Сәхифәләр

ТР Дәүләт симфоник оркестры концертында танылган дирижер Энхэ катнаша