Җәмгыять 31 декабрь 2009 19:29

ТР буенча Баш федераль инспектор татарстанлыларны Яңа ел белән котлады

“2010 ел безнең ил һәм аның гражданнары өчен истәлекле вакыйгаларга һәм позитив перспективаларга бай булсын”, - диелә котлауда

Скопировать ссылку

(Казан, 31 декабрь, «Татар-информ»). Татарстан Республикасы буенча Баш федераль инспектор Марсел Галимәрдәнов республика халкын Яңа ел белән котлады.
“Чын йөрәктән Татарстан Республикасында яшәүчеләрне якынлашып килүче бәйрәмнәр белән котлыйм.
Төгәлләнеп килүче елны ирешелгәннәргә йомгак ясау күркәм гадәткә әйләнде. 2009 ел сәяси, икътисади, социаль һәм дин өлкәләрендә истәлекле вакыйгаларга бай булды. Алар һәрвакыт шатлыклы булмаса да, әмма, бернигә карамастан, без җәмгыятьтә тотрыклылыкны саклап кала алдык. Безнең һәрберебез тормыш мәшәкатьләрен җиңеп үзендә көч тойды һәм бу үз көчебезгә ышана, җаваплы мәсьәләләрне хәл иткәндә уңышка өметләнә алабыз!
2010 ел безнең ил һәм аның гражданнары өчен истәлекле вакыйгаларга һәм позитив перспективаларга бай булсын.
Сезгә һәм гаиләләрегезгә мәхәббәт, шатлык, тынычлык һәм бәхет телим!”, - диелә котлауда.

Сәхифәләр

ТР буенча Баш федераль инспектор татарстанлыларны Яңа ел белән котлады