Рәсми Татарстан 10 декабрь 2009 18:43

ТР белән БМО ның сәнәгый үсеш буенча оешмасы арасында хезмәттәшлек Меморандумы имзаланды

Документка Р.Миңнеханов җитәкчелегендәге Татарстан делегациясенең Австриягә сәфәре вакытында кул куелды

Скопировать ссылку

(Казан, 10 декабрь, “Татар-информ”). Премьер-министр Рөстәм Миңнеханов җитәкчелегендәге Татарстан делегациясенең Австриягә сәфәре дәвам итә. Делегация составында сәнәгать һәм сәүдә министры Равил Зарипов, төзелеш, архитектура һәм торак-коммуналь хуҗалыгы министры Марат Хөснуллин да бар.

Бүген Венада ТР белән БМО ның сәнәгый үсеш буенча оешмасы (ЮНИДО) арасында хезмәттәшлек Меморандумына кул куелды. Документны ЮНИДО генераль директоры Кандэ Юмкелла белән ТР Хөкүмәте рәисе Рөстәм Миңнеханов имзалады. Әлеге документ кысаларында якларның энергия нәтиҗәлелеге һәм энергия саклау, экология һәм биотехнологияләр, альтернатив энергетиканы үстерү, Татарстанга кылдыклар җыю, эшкәртү һәм утильләштерү буенча заманча технологияләр, инвесторлар һәм дөньяның- финанс институтларын җәлеп итү өлкәсендә хезмәттәшлеге күздә тотыла.
Көннең икенче яртысында ТР Премьер-министры Австриянең бизнес җәмәгатьчелеге вәкилләре белән очрашты, дип хәбәр итә Министрлар Кабинетының матбугат хезмәте.

Сәхифәләр

ТР белән БМО ның сәнәгый үсеш буенча оешмасы арасында хезмәттәшлек Меморандумы имзаланды