Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Авыл хуҗалыгы һәм азык-төлек министрлыгы фермер династияләре бәйгесен игълан итә
Җиңүчеләргә 100 мең сум күләмендә акчалата бүләк тапшырылачак.
![ТР Авыл хуҗалыгы һәм азык-төлек министрлыгы фермер династияләре бәйгесен игълан итә](https://tatar-inform.tatar/resize/shd/images/uploads/news/2019/12/17/7d54de4a800ee790ba69ddacfc76784335aa3f3b3a69bc3dd69bbccf1c44.jpg)
(Казан, 17 декабрь, «Татар-информ»). ТР Авыл хуҗалыгы һәм азык-төлек министрлыгы ТР Хөкүмәте ярдәмендә «Татарстан Республикасы Гаилә фермер династиясе» дигән бәйге игълан итә. Бу хакта министрлыкның матбугат хезмәте хәбәр итә.
Җиңүчеләргә 100 мең сум күләмендә акчалата бүләк тапшырылачак.
Бәйгедә ким дигәндә ике буында фермер булган һәм гамәлдәге крестьян-фермер хуҗалыгы статусына ия бер гаилә әгъзалары һәм аларның туганнары (крестьян-фермер хуҗалыгының кимендә ике башлыгы) катнаша ала. Беренче буындагы крестьян-фермер хуҗалыгы җитәкчесе династия башлыгы дип табыла.
Бәйгенең критерийлары түбәндәгеләр:
- крестьян-фермер хуҗалыгы әгъзалары һәм даими хезмәткәрләр саны (крестьян-фермер хуҗалыгының һәр әгъзасы һәм даими хезмәткәр өчен 1 балл);
- гаилә фермер династиясе шәхси эшкуарлар дәүләт реестрында теркәлүнең гомуми срогы (һәр ел өчен 1 балл).
Крестьян-фермер хуҗалыгының салым бурычы булмаска тиеш.
Гариза һәм документлар Татарстан Республикасы Авыл хуҗалыгы һәм азык-төлек министрлыгы тарафыннан 2020 елның 17 гыйнварына кадәр түбәндәге адрес буенча кабул ителә: 420014, Татарстан Республикасы, Казан шәһәре, Федосеевская урамы, 36нчы йорт, 3нче кат, 309нчы бүлмә, эш көннәрендә 9.00-16.00 сәгатьләрдә.
Кызыклы яңалыкларны күзәтеп бару өчен Телеграм-каналга язылыгыз