Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төзелеш министрлыгы: Татарстанда 130 йортка капиталь ремонт үткәрүгә килешү төзелде
2023 елда Татарстанда күп фатирлы йортларны капиталь ремонтлау программасына 716 объект керде. Аларның 130ы буенча хезмәт күрсәтүгә килешүләр төзелгән. 46 йортта төзелеш-монтажлау эшләре үткәрелә, 84 йортта 219 лифт алыштырыла. Бу хакта Татарстан Республикасы Президенты Рөстәм Миңнеханов катнашындагы киңәшмәдә республиканың төзелеш, архитектура һәм торак-коммуналь хуҗалык министры Марат Айзатуллин сөйләде.
Тагын дүрт программа халыкның аерым категорияләрен торак белән тәэмин итүгә кагыла. Быел 600 ятим бала, 78 яшь гаилә өй туе үткәрер дип көтелә. Алар кысаларында Татарстан Яшьләр министрлыгы «Электрон бюджет» системасында барлык муниципалитетлар белән килешү төзеде.
Моннан тыш, биш һәм аннан да күбрәк балалы 22 күп балалы гаилә һәм күченеп килергә мәҗбүр булган, Ерак Төньяктан күчеп кайткан алты гаилә торак алачак. «Бүген күп балалы гаиләләр һәм аерым категория гражданнарга бирелгән документларны тикшерәләр, шуннан соң сертификатлар рәсмиләштерелә башлаячак», - дип аңлатты Айзатуллин.
Моннан тыш, ул Татарстан җитәкчесенә республикада гамәлгә ашырыла торган төзелеш, шул исәптән биологик чистарту корылмасы, мәдәният йорты, балалар бакчасы, мәктәп ремонты һәм төзелеше өлкәсендәге илкүләм проектлар турында сөйләде.
Кызыклы яңалыкларны күзәтеп бару өчен Телеграм-каналга язылыгыз