Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркиядә җир тетрәү сәбәпле, Миңнеханов Эрдоганга кайгы уртаклашу белдерде
Татарстан халкы һәм җитәкчелеге Төркиядә җир тетрәү вакытында һәлак булучыларның туганнарының һәм зыян күрүчеләрнең кайгысын уртаклаша. Татарстан Республикасы Рәисе, «Россия - ислам дөньясы» Стратегик күзаллау төркеме рәисе Рөстәм Миңнеханов Төркия Президенты Рәҗәп Тайип Эрдоганга җибәрелгән телеграммада шул хакта белдергән.
«Җир тетрәү аркасында кешеләр үлеме һәм масштаблы җимерелүләр сәбәпле, тирән кайгыгызны уртаклашам. Һәлак булганнарның туганнарына һәм якыннарына кайгы уртаклашу һәм теләктәшлек сүзләрен җиткерүне сорыйм, зыян күргән кешеләрнең тизрәк савыгуын телим», диелә телеграммада.
Искәртик, бүген иртән Төркиядә һәм Сириядә җир тетрәү булды. Якынча мәгълүматлар буенча 500дән артык кеше һәлак булган, меңнәрчә кеше зыян күргән.
Элегрәк Россия Президенты Владимир Путин ике илнең лидерына кайгы уртаклашу һәм ярдәм итү тәкъдиме белән телеграмма җибәрде.
Кызыклы яңалыкларны күзәтеп бару өчен Телеграм-каналга язылыгыз