Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркиядә җир тетрәү нәтиҗәсендә һәлак булучылар саны 14 меңнән артып китте
Төркиядә җир тетрәү нәтиҗәсендә һәлак булучылар саны 14 014 кешегә җитте, яраланучылар 63 меңнән артып китте. Бу хакта РИА Новости агентлыгы республика Президенты Рәҗәп Тайип Эрдоганга сылтама белән хәбәр итә.
«Хәзерге вакытта һәлак булучылар – 14 014, яраланучылар 63 794 кеше тәшкил итә», - дип белдерде төрек лидеры Газиантеп провинциясендә ясаган чыгышында.
Элегрәк 13 мең кешенең һәлак булуы, 63 меңгә якыны зыян күрүе хакында хәбәр ителгән иде.
6 февраль иртәсендә Кахраманмараш провинциясендә 7,7 магнитудалы җир тетрәү булды. Ил Президенты Рәҗәп Тайип Эрдоган ул 1939 елдан бирле иң көчле җир тетрәү булды дип белдерде. Соңрак белгечләр өч дистә афтершок, көн уртасында тагын куәтле җир тетрәүне теркәде. Җир асты селкенүләре илнең үзәгендә башка көннәрдә дә сизелде.
Төркиядә җиде көнлек матәм игълан ителде, ә фаҗигадән зыян күргән ун провинциядә өч айга гадәттән тыш хәл режимы кертелде.
Җир тетрәү Сүриянең Алеппо, Латакия, Хама һәм Тартус провинцияләрендә дә теркәлде. Җирле Сәламәтлек саклау министрлыгының соңгы мәгълүматлары буенча, 1200дән артык кеше һәлак булган, 2 меңнән артыгы зыян күргән.
Кызыклы яңалыкларны күзәтеп бару өчен Телеграм-каналга язылыгыз