Хәвеф-хәтәр 25 март 2023 09:35

Төркиядә 4,7 магнитудалы җир тетрәү булган

Скопировать ссылку

Төркиянең көньяк-көнчыгышында Кахраманмараш провинциясе территориясендә 4,7 магнитудалы җир тетрәү булды. Бу хакта РИА Новости сейсмологларга сылтама белән хәбәр итә.

Җир тетрәү UTC вакыты белән 4.39 сәгатьтә (Мәскәү вакыты белән 7.39 сәгать) теркәлгән. Җир тирбәнешенең эпиүзәге Эльбистан шәһәреннән көньяк-көнбатыштарак 16 чакрымда булган. Аның үзәге ике чакрым тирәнлектә булуы ачыкланган.

Үлүчеләр һәм имгәнүчеләр турында мәгълүмат юк.

6 февральдә Төркиянең көньяк-көнчыгышында Кахраманмараш провинциясе 9 сәгать аерма белән 7,7 һәм 7,6 магнитудалы җир тетрәү булды. Җир асты тирбәнешләре илнең 11 провинциясендә һәм күрше дәүләтләрдә, шулай ук Сириядә дә сизелде. Төркия хакимияте җир тетрәүне «гасыр фаҗигасе» дип белдерде, анда 50 меңнән артык кеше һәлак булды.

Сәхифәләр

Төркиядә 4,7 магнитудалы җир тетрәү булган