news_header_top_970_100
Руc Тат
16+
news_header_bot_970_100
Икътисад 20 декабрь 2004 14:14

Торак-коммуналь комплексны үзгәртеп кору 33,2 миллиард сумга төшә

Торак-коммуналь комплексны үзгәртеп кору 33,2 миллиард сумга төшә

Скопировать ссылку

(Казан, 20 декабрь, "Татар-информ", Әнвәр Маликов). Татарстанның Дәүләт Советы тарафыннан расланган 2004-2010 елларда республиканың торак-коммуналь комплексын үзгәртеп кору һәм модернизацияләүнең 5 еллык программасы эшли башлый. Әлеге документның тексты рәсми рәвештә 18 декабрьдә басылды һәм шушы көннән үз көченә керде.

Программаны гамәлгә ашыру 33,2 миллиард сум күләмендә бәяләнә. Финанслау чыганаклары - федераль, республика һәм җирле бюджетлар, торак-коммуналь комплекс оешмалары, торак-коммуналь хезмәт кулланучылары, инвесторлар акчалары, банк кредитлары, шул исәптән, чит илнекеләр дә.

Программа нигезендә, 2005 елда комплексны финанс ягыннан тотрыклыландыру һәм хезмәтләрне монополиядән арындыруны башкару планлаштырыла. 2006-2007 елларда торак фонд белән профессиональ дәрәҗәдә идарә итү һәм комплекска шәхси инвестицияләрне җәлеп итүне стимуллаштыручы норматив база булдыруны тәмамлау ниятләнә. 2008-2010 елларда сыйфатлы хезмәт күрсәтү, инженер-коммуналь системаның ышанычлы эше белән тәэмин итү булырга тиеш.

autoscroll_news_right_240_400_1
autoscroll_news_right_240_400_2
news_bot_970_100