Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Төньяк Казахстан өлкәсе һәм Татарстан арасында хезмәттәшлек турында меморандум имзаланды
Петропавловскида узган Республика Сабан туе вакытында Төньяк Казахстан өлкәсе һәм Татарстан Республикасы арасында алга таба хезмәттәшлек итү турында меморандум имзаланды. Бу хакта Бөтендөнья татар конгрессы матбугат хезмәте хәбәр итә.
Документ Төньяк Казахстан өлкәсе хакиме Гәүез Нурмөхәмбәтов белән Татарстан Рәисе Рөстәм Миңнехановның очрашуы вакытында имзаланды. Сөйләшү барышында яклар төбәкләр арасында партнерлыкны үстерергә килештеләр.
«Сезнең былтыр Казанга булган сәфәрегез вакытында без эшлекле даирәләребез арасында хезмәттәшлекне киңәйтү һәм сәүдә-икътисади хезмәттәшлекне ныгыту турында уйларга килештек. Бу юнәлештә инде конкрет адымнар бар», — дип билгеләп үтте Миңнеханов һәм хезмәттәшлек яңа дәрәҗәгә чыгачагына ышаныч белдерде.
Татарстан Россия белән Казахстан арасындагы элемтәләрне ныгытуда сизелерлек өлеш кертә. 2025 елда республикалар арасында товар әйләнеше үскән һәм 946 миллион доллар тәшкил иткән.
Кызыклы яңалыкларны күзәтеп бару өчен Телеграм-каналга язылыгыз