Төнлә Казанның Гвардия урамында «Чайхона» кафесы янган
Скопировать ссылку
Казанның Гвардия урамында «Сады» сәүдә рәтләре складында янгын турында 101 янгын сагы номерына 1.33 сәгатьтә хәбәр ителгән.
Янгын урынына 6нчы янгын сүндерү-коткару часте хезмәткәрләре килгән. Бу вакытта павильон түбәсеннән куе төтен чыккан.
Сәүдә павильоны янында янгын сүндерүчеләрне сакчы каршы алган. Ул «Чайхона» кафесы януы турында хәбәр иткән. Павильон эчендә кешеләр булмаган.
Төнге сәгать икедә 30 кв.метр мәйдандагы янгын сүндерелгән. Кафеның стенасы һәм эчтәге мебель янган.
Якынча мәгълүматлар буенча, янгын, электр җиһазларын урнаштыру һәм куллану кагыйдәләрен бозу сәбәпле, килеп чыккан.