Россия Гадәттән тыш хәлләр министрлыгының ТР буенча Баш идарәсе матбугат хезмәте
Казанның Чуйков урамында хәрәкәт итә торган туристлык автобусына ут капкан. Бу турыда бердәм ашыгыч хезмәтнең 112 номерына бүген 0.46 сәгатьтә хәбәр килгән.
«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, автобусның мотор тирәсендә ут чыккан. 48нче янгын сүндерү-коткару часте хезмәткәрләре янгынны оператив рәвештә сүндергән.
Янгын 6 кв метр мәйданга зыян китергән. Янгын чыгуга транспорт чарасын куллану кагыйдәләрен бозу сәбәп булган, дип фаразлана.