Төнге салкыннардан соң Татарстанда җылыта башлаячак
Скопировать ссылку
Татарстанда әкренләп җылыта башлаячак. Бу хакта ТР Гидрометеорология үзәге хәбәр итә.
Республикада аязучан болытлы булачак. Сизелерлек явым-төшем булу ихтималы аз.
Җил юнәлешен көньяк-көнчыгыштан һәм көнчыгыштан көньяк-көнбатышка үзгәртәчәк һәм бераз көчәячәк, секундына 5-10 метр булачак. Юлларда бозлавык саклана.
Төнге һәм иртәнге салкыннардан соң (аязганда -27 градуска кадәр) көндез төбәктә һава -9, -14 градуска кадәр җылыначак (Казанда -9, -11 градуска кадәр).
Метеорологларның беренчел мәгълүматларына караганда, киләсе атна башында Татарстан яңадан атмосфера фронтлары хакимиятендә булачак. Акрынлап җылыну дәвам итәчәк.