Татар дөньясы 9 апрель 2021 12:26

Томскида узачак татар мәдәнияте фестивале татар кызларының талант бәйгесе белән ачыла

Томск шәһәренең татар милли-мәдәни автономиясе, Татар мәдәнияте үзәге оештыра торган Татар мәдәнияте фестивале кысаларында, апрель дәвамында шәһәрдә төрледән-төрле мәдәни чаралар көтелә.

Скопировать ссылку

(Казан, 9 апрель, «Татар-информ»). Томск өлкәсендә узачак Татар мәдәнияте фестивале «Себер энҗе» гүзәллек һәм талант бәйгесе белән ачылачак. Бәйге 11 апрель көнне үтәчәк, дип хәбәр итә Татар мәдәнияте үзәге. Бәйгедә 12-14 яшьлек татар кызлары катнаша.

Габдулла Тукай әсәрләре буенча «Әкиятләр илендә» балалар рәсемнәре күргәзмәсе үтәчәк. Шулай ук Герой-шагыйрь Муса Җәлилгә багышланган өлкә нәфис сүз фестивале, татар халкының әдәби мирасына багышланган күргәзмә, Әхмәт Фәйзи иҗатына багышланган әдәби кичә булачак.

Фестиваль 30 апрельдә татар музыкасын башкаручы балалар арасында XV «Чишмәкәй» бәйгесе белән тәмамланачак.

#Томск Татар мәдәнияте үзәге #Томск татарлары #Томск

Сәхифәләр

Томскида узачак татар мәдәнияте фестивале татар кызларының талант бәйгесе белән ачыла