Томск татарлары Новосибирск өлкәсендә Себер татар яшьләре фестивалендә катнашкан
Скопировать ссылку
Новосибирск өлкәсендә XV Себер татар яшьләре фестивале узды. Бу хакта Томск шәһәренең «Татар мәдәнияте үзәге» өлкә дәүләт автономияле мәдәният учреждениесе ВКонтакте социаль челтәрендәге сәхифәсендә яза.
Томск өлкәсен бу чарада 6 кешелек делегация тәкъдим иткән.
Өч көнлек программада вокал, бию буенча мастер-класслар, татар теле дәресләре, татар тарихы турында лекцияләр, проект төзү буенча практик семинарлар, татар интеллектуаль уены һәм башкалар булган.
Фестиваль Новосибирск шәһәрендәге Татар мәдәнияте йорты территориясендә матур концерт программасы белән тәмамланды, диелә хәбәрдә.