Томск өлкәсендә ай дәвамында Татар мәдәнияте фестивале узачак
Фестиваль дәвамында төрле юнәлештәге мәдәни чараларны тамаша кылырга мөмкин.
Скопировать ссылку
(Казан, 7 апрель, "Татар-информ"). Бүгеннән Томск өлкәсендә Татар мәдәнияте фестивале башлана. Ул 30 апрельгә кадәр дәвам итәчәк. Бу хакта җирле Татар мәдәни үзәге хәбәр итә.
10 апрельдәге чара "Нур" ветераннар хорына багышланачак. 11 апрельдә исә Томск татарлары Татарстан кунакларын көтә. "Казан җырлый" концертында Чулпан Йосыпова, Фәнил Мөбәрәкҗанов, Данис Мөхәммәдиев, Мансур Хәйретдинов чыгыш ясаячак.
16 апрельдә "Замандашлар" клубы гастрольләре кысаларында, "Аулак өй" программасы тәкъдим ителәчәк. 18 апрельдә "Карга боткасы", 20 апрельдә "Чишмәкәй" яшь татар җыры башкаручылары бәйгесе узачак.
21 апрельдә исә Томск татарлары шагыйрь Габдулла Тукай иҗатына багышлап, "Мин татарча сөйләшәм" акциясе уздырачак. 23 апрельдә җирле татар шагыйрьләре әсәрләренә багышланган Татар иҗаты көне үткәреләчәк.
Ай дәвамында Г. Тукай иҗатына багышлнаган күргәзмә белән танышырга мөмкин булачак.