Татар дөньясы 9 гыйнвар 2025 08:46

Төмәннең «Яңарыш» газетасы 35 еллыгы уңаеннан видеобәйге игълан иткән

Скопировать ссылку

Төмәндә чыгучы «Яңарыш» өлкә татар газетасы үзенең 35 еллык юбилее уңаеннан шигърият яратучылар өчен «Яңарыш» - яраткан газетам» дип аталган шигъри бәйге игълан итә. Бу хакта газетаның телеграм-каналында хәбәр ителә.

Бәйге ике номинациядә үтәчәк:

1) җирле шагыйрь-шагыйрәләрнең татар телендә язылган шигырьләрен;

2) үзегезнең иҗат җимешегезне сәнгатьле итеп яттан сөйләгәнне видеога төшереп җибәрүегез сорала.

Беренче номинация ике категориягә бүленә: а) өлкәннәр,б) мәктәп укучылары. Икенче номинациядә барлык яшьтәге авторлар да катнаша. Видео белән бергә исем-фамилия, яшьне, яшәгән торак пунктны һәм телефон номерын язарга кирәк.

Жюри ясаган нәтиҗәләр буенча 3 җиңүче һәм иң күп тавыш (+лайк) җыеп тамашачылар мәхәббәтен яулаган 3 нәфис сүз остасын бүләкләр көтә.

Бәйгегә яздырылган видероликлар 2025 елның 1 гыйнварыннан 1 сентябрьгә кадәр кабул ителә.

Эшләрне «Яңарыш» - яраткан газетам» тамгасы белән janartat@inbox.ru адресына яки «Вконтакте» социаль челтәрендәге «Яңарыш» газетасы Төмән» төркеменә юллавыгыз сорала, диелә хәбәрдә.

Сәхифәләр

Төмәннең «Яңарыш» газетасы 35 еллыгы уңаеннан видеобәйге игълан иткән